Monday, February 12, 2018

එජාප ආණ්ඩුවක් නිර්මාණය කිරීමට ජනපති මෛත්‍රිපාල සිරිසේන මහතා කැමැත්ත දෙයි.....

2018 පෙබරවාරි මස 12.

එක්සත් ජාතික පක්‍ෂ ආණ්ඩුවක් නිර්මාණය කිරීමට ජනාධිපති මෛත්‍රීපාල සිරිසේන මහතාගේ එකඟතාව ලැබී ඇතැයි වාර්තාවේ.

ඊයේ (11දා) රාත්‍රියේ අගමැති රනිල් වික්‍රමසිංහ මහතා සහ ජනාධිපති මෛත්‍රීපාල සිරිසේන මහතා අතර සාකච්ඡාවක් පැවැති අතර, එහිදී ජනාධිපතිවරයා මෙම එකඟතාවට පැමිණ තිබේ.

එක්සත් ජාතික පක්ෂ ප්‍රතිපත්තිවලින් සමන්විත එක්සත් ජාතික පක්‍ෂ ආණ්ඩුවක් වහාම නිර්මාණය කරන ලෙස එක්සත් ජාතික පක්‍ෂ අමාත්‍යවරුන් අග්‍රාමාත්‍ය රනිල් වික්‍රමසිංහ මහතාට ඊයේ(11දා) පස්වරුවේදී දැනුම්දී තිබිණි.

එක්සත් ජාතික පක්‍ෂය සහ ශ්‍රීලංකා නිදහස් පක්‍ෂය එක්ව තවදුරටත් ජාතික ආණ්ඩුවක් පවත්වාගෙන යා නොහැකි බවත්, එබැවින් වහාම එක්සත් ජාතික පක්‍ෂ ආණ්ඩුවක් නිර්මාණය කරන ලෙසත් අමාත්‍යවරුන් විසින් මෙහිදී ඉල්ලා තිබිණි.

එය එක්සත් ජාතික පක්‍ෂයේ දැක්මක් සහ ආර්ථික ප්‍රතිපත්තිවලින් සමන්විත ආණ්ඩුවක් විය යුතු බවද මෙහිදී අමාත්‍යවරුන් අග්‍රාමාත්‍යවරයාට ප්‍රකාශ කර තිබේ.

ජාතික ආණ්ඩුවක් සඳහා එක්සත් ජාතික පක්‍ෂය සහ ශ්‍රීලංකා නිදහස් පක්‍ෂ අතර පැවැති ගිවිසුම පසුගිය දෙසැම්බර් 31 වැනිදායින් අවසන් වූ බැවින් ඕනෑම අවස්ථාවක වෙන්ව තනි ආණ්ඩුවක් නිර්මාණය කරගැනීමේ අවස්ථාව පක්‍ෂ දෙකටම පවතී.

No comments:

Post a Comment

මැයි 08 ආණ්ඩුව පෙරලීමට...... මෛත්‍රි එංගලන්තයේ දී..... කුමන්ත්‍රණයක ……? ඩිලාන් හා චන්දිම විරක්කොඩි ගෙන්නා ගත්තේ මෛත්‍රිමයි....

2018 අප්‍රේල් මස 20. 2008 ජනවාරි 08 ලාංකීය යුක්ති ගරුක ජනතාව බලයට ගෙනා සුදු පිරුවට ඇද උදේ ඉදන් රෑ එලි වෙනතුරුම අනුන්ට අන්ච් ...