2018 පෙබරවාරි මස 02. .
වැල්ලවාය ප්‍රදේශයෙන් මැදමුලන වලව්වට මොහු පැමිණෙන්නේ සාමාන්‍ය කම්කරුවෙකු ලෙසය. ඉන් පසු මහින්ද රාජපක්ෂ ගේ විරාජමාන බලයෙන් ඔහු හමුදා සේවයට බැඳෙන්නේ සාමන්‍ය සෙබලෙකු ලෙසය.
යෝෂිත රාජපක්ෂ මෙන් මොහුද කපිතාන් නිලයට ඔසවා තබන්නේ කිසිදු සහතිකයක් හෝ අධ්‍යාපන සුදුසුකමක් නොමැතිවය.පසුව ශිරන්ති රාජපක්ෂගේ රියදුරෙකු බවට පත් වූ ඔහුට ඇති එකම සුදුසුකම වුයේ රාජපක්ෂ වලව්වට එරෙහි වන උන්ගේ බෙලි කපා , පුච්චා හලුකර මරා දැමීමේ තුච්ච වගකීමයි.
තාජුඩීන් ගේ මරණයේ මුලික වග උත්තරකරුවා බවට මොහු අපරාධ පරිෂණ දෙපාර්තමේන්තුව විසින් හඳුනාගෙන අවසන්ය. මොහු විදේශ ගත කිරීමට දරු සියලු උත්සාහයන් අසාර්ථක වූ අතර , දැනට මොහුගේ සේවය ලබා දෙන්නේ මෛත්‍රීපාල සිරිසේනගේ සොහොයුරු ඩඩ්ලි සිරිසේනටය. යෝෂිත හා නාමල් රාජපක්ෂගේ ලේ පිපාසිත ගිජු උවමනාවන් වෙනුවෙන් අති දක්ෂ රගර් ක්‍රීඩකයෙකු වූ තාජුඩීන්ගේ රහසඟ කපා දමන්නේ මොහුය, ඔහුට දෙතිස් වධ පමුණුවන්නේ මොහුය, යෝෂිත ගෙන් ලැබෙන දුරකථන ඇමතුම් වලට අනුව දින දෙකක් පුරා නාරාහේන්පිට ස්ථානයකදී තාජුඩීන් හට දරාගත නොහැකි ලෙස මිලේච්ච වධයන්ට ලක් කල සුවච කීකරු මැදමුලන දඩ බල්ලා මොහුය . අද මොහු සිටින්නේ සිරිසේනගේ තුරුලේය. මේ මජර දේශපාලනයේ සාමාන්‍ය ස්වාභාවය මෙයයි .
සියලු අපරාධ චෝදනාවලින් මහින්ද ඇතුළු පරපුර ගලවාලීමට සිරිසේන ගෙන් ලැබෙන සහය මෙම සිදුවීමත් සමගම තව තවත් ඔප්පු වී ඇත.
ඔහු වරෙක අත්අඩංගුවට පත් වූ අතර , ඉන් පසුව කල සෝදිසි කිරීම් වලදී ඔහුගේ ගිණුමේ තිබී ඇත්තේ රුපියල් ලක්ෂ 10 කට වඩා අඩු මුදලකි. ඉන් පරීක්ෂණ කටයුතු අවසන් නොවූ අතර, අපරාධ පරීක්ෂණ දෙපාර්තමේන්තුවේ කොන්දක් ඇති මහත්වරුන් විසින් රාජපක්ෂ පවුලේ බලපෑම නොතකා ඔහුගේ බිරිඳ ගේ නමින් විශාල දේපල ප්‍රමාණයකට හිමිකම් කියන බව සොයා ගත්තේය .
වැල්ලවාය ප්‍රදේශයේ සාමාන්‍ය ගෘහණියක් වන තිස්ස විමලසේනගේ බිරිඳට ලෑන්ඩ් කෲසර් ජීප් 01ක්, ලොරි 07ක් සහ බස් 10ක් හිමිව තිබේ. ඊට අමතරව වැල්ලවායේ අක්කර දෙකක ඉඩමක්, ශ්‍රී ජයවර්ධනපුර රාජගිරියේ පර්චස් 25ක සහ පර්චස් 22ක ඉඩම් දෙකක්, දෙල්ගොඩ මැදලන්ද ප්‍රදේශයේ රූඩ් 02යි පර්චස් 21ක් සහ දෙල්ගොඩ කැන්දලන්ද ප්‍රදේශයේ පර්චස් 15ක ඉඩමක් ඇය සතුව තිබේ.
මේ දැනට අපරාධ පරීක්ෂණ දෙපාර්තමේන්තුවට සහ අල්ලස් හෝ දූෂණ විමර්ශන කොමිසමට වාර්ථා වී ඇති දේපළ පමණි. විමර්ශන තවමත් අවසන් නැත. මේ තරම් දේපළ උපයාගත් ආකාරය දන්නේ තිස්ස සහ තිස්සගේ හාම්පුතාලා වන රාජපක්ෂලා පමණය.
No comments:
Post a Comment