2018 ජනවාරි මස 29.
ශ්‍රී ලංකාවට යන අය ප්‍රවේසම් වන්න....විදේශ රටක සිට ශ්‍රී ලංකාවට පැමිණි කාන්තාවකට ගුවන් තොටුපලේදී Duty free හොරුන්ගෙන් විඳින්නෙවු අනෙක වද හිංසා ගැන සත්‍යයේ සටහනක්....
ශ්‍රී ලංකාවට ගොඩ බහින ගුවන් මගීන්ව කරකවා අතහරින මේ අය ගැනයි මේ
අම්මා මුත්තා කාලේවත් දැක නැති මේ අයියලා මල්ලිලා තම පවුලේ කෙනෙකු වසර ගනනාවකින් දුටුවා සේ ඈත තියාම දත්තිස් දෙකම පෙන්නා සිනාසෙමින් අත වනමින් හැකිනම් බදා වැලද ගන්නා ටයිප් එකෙන් රොතු පිටින් අප පස්සෙන් පන්නයි.
එකෙකුට එකෙක් පරදා එන්න මිස් බඩු ගන්නවාද අපෙන් ගන්න අපෙනුත් ගන්න කිය කියා අපව මෝංගල් කරන මල්ලිලා අයියලා අපේ බඩු පැටවු ට්‍රොලියද පදවාගෙන යන්නට තරම් කාරුණිකයි .
ගමන් වෙහෙසත් ගුවන් තොටුපලේ රැදී ඉන්න අපේ පවුලේ අය දැක ගැනීමට ඇති ආසාවත් එක්ක අපි කලබල වෙනවා ගන්න බඩුවක් තෝරා බේරා ගන්නටවත් සැනසීමක් මේ කොල්ලන් අපිට සැනසීමක් දෙන්නේම නැති තරම් .
දැන් අලුත්ම සෙල්ලමක් පටන් අරගෙන ඇත .
ඒ අපි ගෙන යන ඩොලර් රේගුවෙන් ගනන් කරනවාය ඒක නිසා තියෙන ඩොලර් වලින් සුළු ගනනක් පර්ස් එකේ දාගෙන ඉතිරිවා බෑග් එකට දාගෙන යන්න අක්කේ කියමින් අපේ මුදල් බැග් එකට අත දමා ගන්නා සයිස් එකටම එබෙන මල්ලිලා මුදල් නෝට්ටු ගනන් කරන්නට ඉල්ලයි ඒ එක්කම අනෙක් මල්ලි එහා පස සිට අප ගත් බඩුවල බිල ලියයි ඒ අතර තව එකෙක් පැමිණ අක්කේ මේක නේද අරක නේද අසමින් අපව හතර අත කරකවයි ....
ඒ ඇසිල්ලෙන් මුදල් නෝට්ටු වලට විදියි ...කිසිත් නොදන්නා සොයුරියන් මේ උගුලට අසුවෙයි ..මටත් මෙසේ සලකන්නට පැමිණි මල්ලිට කීවේ මම ගනන් කරගන්නම් මගේ සල්ලි සහ ඒතරම් මුදලක් මා ලග නැහැ කියායි .එසේ මා දන්නා මිතුරියන් දෙදෙනෙකුගෙන් ඩොලර් 100 බැගින් අතුරුදහන්ව ඇතිබව කිවේ පසුවයි ...බදු සහන යටතේ අප බඩු රැගෙන යන්නේ නැත්නම් අපි ගන්නම් මෙච්චර ගානක් දෙන්නම් කියා පාස්පෝට් එක රැගෙන පැය ගනන් රස්තියාදු කර එලියට බඩු ගෙනත් දුන්නාට පසු පොරොන්දු මුදල නොගෙවයි ..මගේ මිතුරියක් එකෙකුට හොදට බැන වැදුනේ එවන් වංචාවකටයි .
මා මෙහි සිටම දන්නා මල්ලි කෙනෙකු හා කතා කර මට අවශ්‍ය බඩු ගනන් සහ වර්ගය තොරා ගෙන ගියත් ගුවන් තොටේදී මා සමග පැමින කථා කල කෙනා දන්නා හදුනන විලසට මා පිළිගත් නිසා ඔයානේද මල්ලි මට ලිව්වේ කියා ඇසුවාම ඔව් කියා බඩුත් තෝරාගෙන බිල ලියන්නට යන විට හායි එරින් අක්කා කියාගෙන පැමිණියේ මා සමග කතා කල මල්ලි .මුලින් කතාකල එකා කාක්කෙක් බව දැන ගත් මම මා ගත් බඩු අවලංගු කරන්නට වෙර දැරුවත් මා හිතවත් මල්ලිගේ අකමැත්ත නිසා එය එසේ නොවීය ..අර කාක්කා අප යන තුරු එලියට නාවේ මගෙන් කනේ පාරක් කන්නට වෙයි යන බිය නිසා බව එකෙකු කිය.
ප්‍රවේශම් වන්න ඔබ දුක් මහන්සියෙන් සොයාගෙන යන මුදල් රැකගන්න
ගුවන් තොටුපෙලේ බැගේඡ් ගන්නා පැත්තෙන් එහාට ඩියුටි ෆි වෙළද කුටිවල ඉන්න අයට යන්නට තහනම්
ඒ මදිය.....
බලධාරීන්ගේ අවදානයට යොමු කරන්නේ මේ කාක්කන්ව තමන්ගේ කුඩු අසලම තබන්න ගුවන් මගීන් තමන්ට කැමති වෙළද කුටියකට ගොස් කැමති භාන්ඩයක් තෝරා ගන්නට අවස්ථාව දෙන්න .රොත්ත පිටින් අපව පිළි අරගෙන කරකවා වටේ නොයවා අපට නිදහසේ යන්නට ඉඩ සලසා දෙන්න .
ඒ වගේ ඔබලාගේ මුදල් ඔහුන්ට ගනින්නට නොදෙන්න එවන් මෝඩ ක්‍රියාවන්ට අසු නොවෙන්න .
ලෝකයේම ගුවන් මගීන් පසු පස පන්නමින් බඩු විකුනන එකම ගුවන් තොටුපලේ ඩියුටි ෆි එක ශ්‍රී ලංකාව වීම ...ආඩම්බරයි නේද...
No comments:
Post a Comment