නාවික හමුදා ඉතිහාසයේ කෙටිම කාලයක් නාවික හමුදාපති තනතුර දැරූ කීර්තිමත් රණ ශූරයෙකු වූ අද්මිරාල් ට්‍රැවිස් සින්නයියා විශ්‍රාම ගන්වා ඇත.. ඊට ප්‍රධාන හේතුව මහ තැන්වල ලාභය සදහාම මිලදී ගැනීමට නියමිත රටට බොහෝ අවාසිදායක කුප්‍රකට රුසියානු නැව් කබලේ ගණුදෙණුවට ඔහුගෙන් එල්ල වූ විරෝදය නිසා බව කියවේ.
අද්මිරාල් සින්නයියා නාවික හමුදාපති ධූරයට පත් වන විට ඔහුගේ පත්වීමට විරුද්ධව අපිද පෙනි සිටියෙමු.. ඊට හේතුව වූයේ ඔහු නාවික හමුදාවෙන් ඉවත්ව ගොස් ඇමරිකානු තානාපති කාර්යාලයේ වගකීමක් දැරූ පුද්ගලයෙකු වූ නිසාය.. යහපාලන ආණ්ඩුව පත්කල නිලධාරීන් බොහෝ දෙනෙකුගේ හැසිරීම සහ අද්මිරාල් ට්‍රැවිස් සින්නයියාගේ ඇමරිකානු මිලිටරි සම්බන්ධය සැලකීමේදී එම පත්වීම ගැන විරෝධයක් එල්ල වීම අසාධාරණ නැත..
නමුත් යමපාලනයට නිවටයන් සේ පක්ෂග්‍රාහීව වහල්කම් කරන ඉහළ නිලධාරී රොත්තක් මැද තම කීර්තිනාමය නිකලැල්ව තබා ගෙන තනතුර හැර යන්නට අද්මිරාල් ට්‍රැවිස් සින්නයියා සමත් වී ඇත..
බෙඳුම්වාදී ත්‍රස්තවාදී කල්ලියෙන් මාතෘ භූමිය මුදා ගැනීමට සක්‍රීය දායකත්වය ලබා දුන් විශිෂ්ඨ නිලධාරියෙකු සෙන්පතියෙකු වූ අද්මිරාල්වරයාගේ විශ්‍රාම දිවිය යහපත් වේවා.
No comments:
Post a Comment