ලොව පුරා සරණාගත දරුවන් ලක්ෂ තිස් පහකට අධික ප්‍රමාණයකට පසුගිය අවුරුද්දේ අධ්‍යාපනය ලැබීම සඳහා අවස්ථාවක් නොලැබී ඇති බව එක්සත් ජාතීන්ගේ සංවිධානය පවසයි.
මානුෂිය ප්‍රතිචාරයක් සඳහා අධ්‍යාපනය අත්‍යාවශ්‍ය අංගයක් බව දක්වා ලද වාර්තාවක් 12 අඟහරුවාදා එලි දක්වමින් එක්සත් ජාතීන් මේ බව පවසා තිබේ.
සරණාගතයන් සඳහා එක්සත් ජාතීන්ගේ මහ කොමසාරිස් කාර්යාලය(UNHCR) යටතේ ලියාපදිංචිව සිටින මිලියන 17.2 අනාථයන් අතර වයස අවුරුදු 5 සහ 17 අතර පාසල් වයසේ පසුවන සරණාගත ළමුන් මිලියන 6.4 ක කට අධික ප්‍රමාණයක් සිටින්නේ යැයි මෙම වාර්තාවේ සඳහන්වේ.
“මේ යෞවනයන්ගේ අධ්‍යාපනය කියන්නේ ඔවුන් බාරගත් රටවල්වල මෙන්ම ආපසු යාමට හැකි වූ පසු සිය මව් රටවල ද ස්ථිර සංවර්ධනය සහ සාමකාමීත්වය සඳහා ඉතා වැදගත් කරුණක්,” බව UNCHR හි මහ කොමසාරිස් ෆිලිප්පෝ ග්‍රොන්දි පවසා ඇත.
“සෙසු රටවල සිටින දරුවන් සහ යෞවනයන් සමග සසඳන විට සරණාගතයන් සඳහා ඇති අවස්ථා හිඟය තව තවත් පුළුල් වෙමින් පවතිනවා,” යනුවෙන් වැඩිදුරටත් ඔහු පවසා තිබේ.
සරණාගතයන් සඳහා එක්සත් ජාතීන්ගේ මහ කොමසාරිස් කාර්යාලයට අනුව ලොව ළමුන්ගෙන් සියයට 91 ක් ප්‍රාථමික අධ්‍යාපනය හදාරන අතර සරණාගතයන් සඳහා එය සියයට 61 ක් පමණක් වන අතර අඩු අදායම් ලබන රටවල එය සියයට 50 ටත් අඩුය.
No comments:
Post a Comment